Солтүстік Қазақстан облыстық АИТВ инфекциясының профилактикасы жөніндегі орталығының, қалалық Жастар ресурстық орталығының және Ақмола бөлімшелік көліктегі санитарлық-эпидемиологиялық бақылау басқармасының қызметкерлері Петропавл вокзалының жолаушылары мен қызметкерлеріне денсаулықты сақтаудың маңыздылығын еске салды.
Акция аясында АИТВ-инфекциясының алдын алу тақырыбында 500 кітапша таратылды. Вокзал жолаушыларына, шығарып салушылар мен қызметкерлерге АИТВ және басқа жыныстық жолмен берілетін инфекциялардан қорғау жолдары туралы айтылды.
Іс-шараның мақсаты - адамдардың АИТВ туралы хабардарлығын арттыру, сондай-ақ өз денсаулығына және айналасындағылардың денсаулығына жауапкершілікпен қарауды қалыптастыру.
