Петропавлда кітапханашыларға жасөспірімдер мен жастарға АИТВ туралы ақпаратты қалай сауатты және сенімді жеткізу керектігі айтылды.
2025 жылдың 16 қаңтарында Сәбит Мұқанов атындағы облыстық әмбебап кітапханада АИТВ алдын алу туралы халықты ақпараттандыру мәселелеріне арналған семинар өтті. Іс-шараны Солтүстік Қазақстан облыстық АИТВ инфекциясының профилактикасы жөніндегі орталығы мен Петропавл қаласының Жастар ресурстық орталығы ұйымдастырды.
АИТВ инфекциясының профилактикасы жөніндегі орталықтың маманы Оксана Симухина: «Мұндай іс-шараларды өткізу өте маңызды, өйткені кітапханашылар халықтың әртүрлі санаттарымен жұмыс істейді және көбінесе білім беру мәселелерінде алдыңғы қатарда болады. Олар жасөспірімдерге, жастарға және ересектерге сенімді ақпарат табуға, білім беру іс-шараларын ұйымдастыруға көмектеседі. Мамандардың міндеті-стереотиптермен күресу, стигматизацияны азайту және аурудың таралуын болдырмау үшін оларға АИТВ туралы дұрыс және сауатты сөйлеуге үйрету»- деп, атап кетті.
Іс-шарада басқа да бірқатар маңызды мәселелер қамтылды. СҚО ПД есірткі қылмысына қарсы іс-қимыл басқармасының жедел уәкілі, полиция капитаны Зарина Попова есірткінің зияны және олардың заңсыз айналымы үшін қылмыстық жауапкершілік туралы айтып берді.
Отбасылық дәрігер және жастар денсаулық орталығының жетекшісі Айымгүл Қанашева қатысушылардың назарын жастардың репродуктивті денсаулығының маңыздылығына аударды.
СҚО әкімдігінің білім басқармасының «Психологиялық қолдау орталығы» КММ директорының орынбасары Айнұр Нысанбаева психологиялық денсаулық мәселелері туралы айтты.
Іс-шара соңында қатысушыларға АИТВ-ның алдын алу бойынша ақпараттық-білім беру материалдары таратылды.
