Петропавлда 28 қаңтарда Солтүстік Қазақстан облыстық ЖИТС профилактикасы және оған қарсы күрес жөніндегі орталығы мамандарының СҚО бойынша Психикалық денсаулық орталығының және емханалар жанындағы алғашқы психикалық денсаулық орталықтарының қызметкерлерімен бірлескен кеңесі өтті.

Кеңесте 2020 жылы инъекциялық есірткіні қолданатын тұлғалар (ИЕҚТ) арасында АИТВ инфекциясының алдын алу жөніндегі бірлескен жұмыстың қорытындылары шығарылып, 2021 жылға арналған өзара іс-қимыл стратегиясы әзірленді. Емханалар жанындағы алғашқы психикалық денсаулық орталықтарына, сондай-ақ облыстық ПДО-ға нарколог дәрігерлерге жүгінген ИЕҚТ-ны экспресс-тесттерімен тексеруді енгізу мәселесіне көп көңіл бөлінді.