1_large.jpeg)
Облыстық АИТВ инфекциясының профилактикасы жөніндегі орталығының
мамандары Солтүстік Қазақстан облысының жастар денсаулық орталығының
өкілдерімен бірлесіп № 29 орта мектеп оқушыларына дәріс өткізді.
Жастар денсаулық орталығы басшысының міндетін атқарушы
Гүлнұр Бекебаева мекеменің қызметі туралы айта отырып, жасөспірімдер
мен жастар мұнда тегін кеңес алу үшін жүгіне алатынын атап өтті.
Орталықта психолог, гинеколог, уролог, педиатр және терапевт қабылдау
жүргізеді — барлық консультациялар МӘМС жүйесі шеңберінде ұсынылады.
Орталықтың акушер-гинеколог дәрігері Нұрлыайна Тілеуқұл оқушылармен
жыныстық жолмен берілетін инфекциялардың (ЖЖБИ) алдын алу туралы
әңгімелесіп, өз денсаулығына жауапкершілікпен қараудың маңыздылығын
атап өтті.
Кейін облыстық АИТВ орталығының маманы Оксана Симухина сөз сөйледі. Ол АИТВ тақырыбына
көбірек тоқталып, вирустың таралу жолдарының бірі жыныстық қатынас
екенін атап өтті және өзін инфекциядан қалай қорғауға болатынын түсіндірді.
Оқушылар алынған ақпаратты бекітуге көмектесетін үлестірме материалдар
алды.
«Біздің ұйымдарымыздың–АИТВ
жөніндегі ОО және ЖДО-жасөспірімдер мен жастарды ағарту жөніндегі
бірлескен жұмысы жалғасады, оқу орындарына ЖЖБИ мен АИТВ алдын алу
туралы дәрістермен бірге бірқатар бірлескен шығулар жоспарланады», - деп
атап өтті Оксана Симухина. - Күш-жігерді біріктіру профилактикалық
жұмыстың тиімділігін арттыруға мүмкіндік береді, өйткені біздің бір
мақсатымыз – жас ұрпақтың салауатты болашағы».
Қамту 40 адамды құрады.
