Таза қоршаған орта және өз денсаулығына қамқорлық жасау – өзара байланысты екі құндылық. Бұлар Ғ.Мүсірепов атындағы кітапханада мектеп оқушыларының басын қосқан «Қызыл лента және жасыл жапырақ» іс-шарасының негізі болды.
Кездесуді «АИТВ инфекциясының профилактикасы жөніндегі облыстық орталық» ШЖҚ КМК, «Петропавл қаласының жастар ресурстық орталығы» КММ, Ғ.Мүсірепов атындағы облыстық балалар мен жасөспірімдер кітапханасы және «Феникс» ЗТБ, «Answer» ҚҚ филиалы ұйымдастырды.
Іс-шара екі тақырыптық аймаққа бөлінді:
Қызыл аймақ – АИТВ инфекциясының алдын алу. Балалар кітапхана қызметкерлері өткізген «АИТВ: мифтер/шындық» интерактивті викторинасына қатысты.
Ойыннан кейін АИТВ инфекциясының профилактикасы жөніндегі орталықтың мамандары алдын алу шараларын, жеке жауапкершілікті және ақпараттандырудың маңыздылығын еске салды.
Сонымен қатар, кітапханашылар қатысушыларға АИТВ тақырыбында кітап көрмесін дайындады.
Жасыл аймақ — Таза Қазақстан.
Іс-шараның осы бөлігінде оқушылар экология тақырыбында өз білімдерін көрсетті, сондай-ақ ЖРО қызметкерлерімен бірге эко-әдеттер мен әркімнің қоршаған ортаның жай-күйіне қалай әсер ете алатынын талқылады.
Іс-шараның тағы бір маңызды бөлігі – Дүниежүзілік ЖИТС-ке қарсы күрес күніне арналған сурет салу байқауының қорытындысын шығару болды. Қазылар алқасы балалардың өз жұмыстарына тек шығармашылықпен ғана емес, сонымен қатар мәселені терең түсінумен де үлес қосқанын атап өтті.
Барлық қатысушыларға сертификаттар мен сыйлықтар табысталды.
"Іс-шараның басты идеясы – адам денсаулығы мен табиғат денсаулығы өзара байланысты екенін көрсету. Бүгінгі саналы таңдау - еліміздің болашағына қосқан үлес, - деп атап өтті АИТВ инфекциясының профилактикасы жөніндегі орталықтың маманы Оксана Симухина. - Белсенділік танытқан барлық мамандарға, педагогтар мен оқушыларға рахмет. Біз бірге жауапты ұрпақ қалыптастырамыз!".
